Coders və BestComp Group: Strateji əməkdaşlıq
20 avqust 2024-cü ildə Coders Azerbaijan və BestComp Group şirkəti arasında gənclərin texnologiya və proqramlaşdırma sahəsində inkişafını dəstəkləyəcək strateji əməkdaşlığa dair anlaşma memorandumu imzalandı.
BestComp Group haqqında
1995-ci ildə əsası qoyulan BestComp Group, Cənubi Qafqaz və Orta Asiyanın aparıcı İT şirkətlərindən biri hesab olunur. Şirkət Hewlett Packard Enterprise, Cisco, Lenovo, Intel kimi dünya brendlərinin rəsmi tərəfdaşıdır və innovativ həllər təqdim edir.
Memorandumun məqsədi
Bu əməkdaşlıq çərçivəsində məqsəd, gənclərin müasir texnologiyalarla daha yaxından tanış olması, onların peşəkar inkişafının dəstəklənməsi və iş dünyasında daha güclü mövqelər qazanmasıdır.
Coders olaraq inanırıq ki, bu əməkdaşlıq tələbələrimiz üçün yeni imkanlar yaradacaq və onların rəqəmsal gələcəyini formalaşdırmaqda mühüm rol oynayacaq.
