Coders Azerbaijan Özbəkistanda Strateji Tərəfdaşlığa Başladı
Coders Azerbaijan olaraq, Özbəkistan Respublikasının Rəqəmsal Texnologiyalar Nazirliyi nəzdində fəaliyyət göstərən Digital Education Development Center ilə Memorandum (MoU) imzaladığımızı məmnunluqla elan edirik.
Bu strateji əməkdaşlıq rəqəmsal təhsil, İT sahəsində kadr hazırlığı və region üzrə texnologiya istedadlarının inkişafı istiqamətində mühüm addımdır.
Əməkdaşlıq çərçivəsində tərəflər aşağıdakı istiqamətlər üzrə birgə fəaliyyət göstərməyi planlaşdırır:
🔹 Daşkənd şəhərində "Coders" tədris mərkəzinin yaradılması
🔹 Data Science, Cyber Security və Software Engineering sahələri üzrə industry-driven bootcamp proqramlarının həyata keçirilməsi
🔹 İT sahəsində "Tech Recruiter Bootcamp" proqramlarının təşkili
🔹 Özbəkistanın aparıcı universitetləri ilə əməkdaşlıq
🔹 Gənclər, qadınlar və sosial həssas qruplar üçün təqaüd proqramlarının genişləndirilməsi
🔹 Məktəblilər üçün texnologiya yay düşərgələrinin təşkili
🔹 Startup, freelance və rəqəmsal sahibkarlıq istiqamətli təhsil proqramlarının inkişafı
🔹 Məzunların sertifikatlaşdırılması və məşğulluq imkanlarının dəstəklənməsi
Bu tərəfdaşlıq regionda rəqəmsal ekosistemin gücləndirilməsi və yeni nəsil texnologiya mütəxəssislərinin yetişdirilməsi istiqamətində ortaq baxışımızı əks etdirir.
İnanırıq ki, bu əməkdaşlıq minlərlə gənc üçün yeni imkanlar yaradacaq və Özbəkistanın rəqəmsal iqtisadiyyatının inkişafına mühüm töhfə verəcək.
