“Coders Azerbaijan” fəaliyyət coğrafiyasını genişləndirərək regionlarda innovasiya ekosisteminin inkişafına töhfə verməyə davam edir. “Yeni əməkdaşlıq, yeni imkanlar!” prinsipi ilə Sumqayıt Innovation Hub ilə rəsmi əməkdaşlıq müqaviləsi imzalandı.
Bu strateji tərəfdaşlıq yerli innovasiya ekosistemini gücləndirmək və gənclər üçün yeni perspektivlər yaratmaq məqsədi daşıyır. Əməkdaşlıq çərçivəsində texnologiya və təhsil sahəsində birgə layihələrin icrası, həmçinin gənclərin peşəkar inkişafına dəstək göstərilməsi nəzərdə tutulur.
Birlikdə Sumqayıt və ətraf regionlarda İT sektorunun inkişafına və gənclərin rəqəmsal bacarıqlarının artırılmasına xidmət edəcək layihələrə başlamağa hazırıq.
