CompTIA-nın rəsmi təhsil partnyoru olaraq, Azərbaycanda ilk dəfə CompTIA Security+ sertifikasiya proqramının tədrisinə başlayırıq.
Bu proqram kibertəhlükəsizlik sahəsində karyera qurmaq və ya mövcud karyerasını inkişaf etdirmək istəyən mütəxəssislər üçün nəzərdə tutulub.
CompTIA Security+ nədir?
CompTIA Security+ kibertəhlükəsizlik sahəsində qlobal səviyyədə tanınan sertifikat proqramıdır. Bu proqram sizin İT təhlükəsizliyi üzrə əsas bilik və bacarıqları yoxlayır və İT və kibertəhlükəsizlik sahəsində uğurlu karyera addımları atmağınızı təmin edir. Rəsmi CompTIA Security+ tədris proqramının hazırlanmasında Microsoft, IBM, Dell, HP, Cisco və Symantec kimi dünyanın hegemon şirkətləri əsaslı rol oynayıb.
Qeyd edək ki, proqram kibertəhlükəsizlik sahəsinə yeni başlayanlar yox, məhz kibertəhlükəsizlik karyerasında yüksəliş etmək istəyənlər üçün uyğundur. Sizə təqdim edilən tədris proqramı təcrübəli və rəsmi beynəlxalq sertifikatlı müəllimlər tərəfindən mərkəzimizdə tədris olunacaq. Əmək bazarına 8 ildir ki, ixtisaslı kadrlar hazırlayan təhsil müəssisəmizdə 2 ay davam edəcək CompTIA Security+ proqramına qoşularaq hissəli ödəniş imkanından faydalana bilərsiniz.
CompTIA ilə rəsmi əməkdaşlığımız sizə nə qazandıracaq:
- tədris materialları
- virtual laboratoriyaya giriş imkanı
- güzəştli rəsmi imtahan şansı
48 saat davam edəcək bu tədris proqramına başlayan hər bir tələbəyə CompTIA portalından giriş təmin edilir ki, bu da yuxarıda sadalanan təkliflərdən 12 ay müddətində istifadə imkanı yaradır. Proqram Security Administrator, Systems Administrator, Help Desk Analyst, Security Analyst və Security Engineer kimi peşələr üzrə kadrlarin hazırlanmasını hədəfləyir.
